Batteri Agder-prosjektet skal arbeide på tre områder
Universitetet i Agder har tilsett leiar for batterisatsinga
Førsteamanuensis Johannes Landesfeind startar som fagleg sjef for Batteri Agder-prosjektet ved Universitet i Agder 1. januar 2022. – Eg ser fram til å etablere ei sterk forskingsgruppe. I samarbeid med industrien i Noreg skal vi utvikle, byggje og produsere batteri. Saman med den sterke kompetansen UiA har innan mekatronikk, gir det UiA eit unikt høve til å levere relevant batteriforsking, seier Johannes Landesfeind (33).
Frå nyåret får han ansvaret for å samle batterikompetansen ved Universitet i Agder (UiA) i ei eiga forskingsavdeling, Batteri Agder-prosjektet. Fakultet for teknologi og realfag ved UiA har planlagt at avdeling skal tilsetje fire professorar og tre forskarar. I tillegg skal dei knyte til seg seks stipendiatar, anten doktorgradsstipendiatar eller post-doktor-stipendiatar.
UiA har allereie gjennomført fleire forskingsprosjekter om batterihandtering. Det er òg etablert eit godt samarbeid med Morrow Batteries og andre bedrifter i regionen.
Tverfagleg utdanning og forsking
Batteri Agder-prosjektet skal arbeide på tre område.
For det første skal UiA ved den nye avdelinga halde fram sitt samarbeid Morrow Batteries og andre bedrifter.
For det andre skal Landesfeind og hans kollegaer planleggje eit bachelor-studium i batteri-teknologi saman med Universitetet i Stavanger. Dei to universiteta har nemleg søkt om midlar til dette hos Noregs forskingsråd og deira satsing Kapasitetsløft.
Og for det tredje ser den nytilsette fagleiaren fram til å setje i gang nye forskingsprosjekt.
– Eg ser fram til å få ei forskingsgruppe raskt på plass og starte opp med nye forskingsprosjekt. Når Batteri Agder-prosjektet har fått den administrative organiseringa på plass, gler eg meg til å sjå framstega i dei vitskapelege prosjekta, som jo er den morosame biten, seier han.
Industriell og akademisk erfaring
Landesfeind var ferdig med si eiga doktorgradsavhandling for tre år sidan. Forskinga dreidde seg mellom anna om å finne ut korleis ein skal byggje litium-batteri som let seg lade fortare enn dagens batteri.
Landesfeind kjem frå stillinga som forskar innan batteriutvikling hos elektroverktøy-produsenten Hilti (Liechtenstein). På anlegget deira i Kaufering (Tyskland) arbeidde han med å utvikle litium-ion-batteri.
Dekanen ved UiAs Fakultet for teknologi og realfag er glad for at den faglege leiaren for Batteri Agder-prosjektet har både industriell og akademisk erfaring.
– Den doble erfaringa var viktig for oss den gongen vi utvikla forsking omkring mekatronikk i samarbeid med olje- og leverandørindustrien i landsdelen. Og det vert like viktig for oss no når vi skal utvikle forsking og kompetanse om litium-ion-batteri i samarbeid med industrien, seier Michael Rygaard Hansen, dekan ved UiAs Fakultet for teknolo
Tar trykk- og nivåmåling til skyene
VEGA holder standen som markedsleder og trendsetter innen radar nivåmåling. Samtidig øker selskapet trykket på trykkmålinger. Og uansett måleprinsipp slår selskapet et slag for skyuniverset MyVEGA.
Sømløst i tid og rom, digitalt fra A til Å
NFEA-konferansen ”digitalisering i automatiseringsdomenet 2025” bød på teknologiske fremskritt for digitalisering av operasjonell- og informasjonsteknologi fra vugge til grav. Digitale modeller og tvillinger og kommunikasjonsteknologi står i sentrum.
Rolf Skatvedt, Total Fiscal Metering
Sørger for mesterlige mengdemålinger
Det er neppe noen som slår Rolf Skatvedt (67) på kompetanse innen fiskale mengdemålinger av olje og gass – som gir riktig avregning av store verdier for operatører og myndigheter. Men at han ble ekspert på fiskale- og kjøp og salgssystemer i olje og gassindustrien skjedde ved en tilfeldighet for mer enn 40 år siden.
Beckhoff styrker satsingen på Vestland
Beckhoff Automation AS har ansatt Jan Huus som ny salgsingeniør med base i Bergen. Han vil få et særlig ansvar for kundeoppfølging og videre utvikling av relasjoner i Vestland-regionen.
Med ansettelsen av Jan styrker Beckhoff sin tilstedeværelse på Vestlandet og satser ytterligere på tett kundedialog, teknisk rådgivning og skreddersydde løsninger for industrien.
